डर्टमन्डको जित

काठमाडौं । जर्मन बुन्डेसलिगाअन्तर्गत आज बिहान भएको खेलमा बुरोसिया डर्टमन्ड विजयी भएको छ । शनिबार बिहान भएको खेलमा हेइडेनहिमलाई डर्टमन्डले ४-२ गोलअन्तरले पराजित गरेको हो ।

डर्टमण्डका मलनले खेलको १२औँ मिनेटमा गोल गर्दै टिमलाई अग्रता दिलाएका थिए भने एडेमीले १७औँ मिनेटमा गोल गर्दै अग्रता दोब्बर पारे ।

हेइडेनहिमका मारभिन पेरिङ्गरले ३९औँ मिनेटमा डर्टमन्डको पोस्टमा गोल गर्दै खेललाई २-१ को स्थितिमा पुर्‍याए । तर, डर्टमण्डका एडेमीले ४१औँ मिनेटमा व्यक्तिगत दोस्रो गोल गर्दै खेललाई ३-१ को स्थितिमा पुर्‍याए ।

त्यस्तै हेइडेनहिमका म्याक्सिमिलन ब्रेउङले ७४औँ मिनेटमा पाएको पेनाल्टीलाई सदुपयोग गर्दै खेललाई ३-२ को स्थितिमा पुर्‍याए । तर, डर्टमन्डले खेलको इन्जुरी समयमा पाएको पेनाल्टी एमरेक कानले सदुपयोग गरेसँगै डर्टमन्ड ४-२ ले विजयी भएको हो । एजेन्सीबाट