ग्यालेक्सी फोके टिभिले तिरेन २५ लाख बढी भडा, घर खाली गराईदिन महानगरमा घरभेटीको निवेदन
काठमाडौँ । ग्यालेक्सी फोके टेलिभिजन संचालन गर्ने गोर्खा मिडिया प्रा.लि. ले घर भाडा नतिरेको पाइएको छ । गोर्खा मिडियाले १० महिनादेखिको घर भाडा नतिरेको पाइएको हो । उक्त मिडियाले घरभाडा नतिरेपछि घरधनीले घर खाली गर्न महानगरमा निवेदन दिएका छन् । घरधनी मृगेन्द्रप्रसाद मिश्रका अनुसार २०७७ साल भदौ २५ गते मिडियाका तत्कालीन अध्यक्ष छविलाल जोशीले १० […]
काठमाडौँ । ग्यालेक्सी फोके टेलिभिजन संचालन गर्ने गोर्खा मिडिया प्रा.लि. ले घर भाडा नतिरेको पाइएको छ । गोर्खा मिडियाले १० महिनादेखिको घर भाडा नतिरेको पाइएको हो ।
उक्त मिडियाले घरभाडा नतिरेपछि घरधनीले घर खाली गर्न महानगरमा निवेदन दिएका छन् । घरधनी मृगेन्द्रप्रसाद मिश्रका अनुसार २०७७ साल भदौ २५ गते मिडियाका तत्कालीन अध्यक्ष छविलाल जोशीले १० वर्षका लागि मासिक दुई लाख ५० हजार रुपैयाँ घर भाडा तिर्ने गरी सम्झौता गरेका थिए ।
गोर्खा मिडियाले २०८० मङ्सिरसम्म नियमित घरभाडा बुझाउँदै आएको थियो । त्यसयता, मिडियाले घर भाडा बुझाएको छैन ।
घर भाडा नबुझाए पछि घरधनी मृगेन्द्रप्रसाद मिश्रले जेठ १६ गते महानगरपालिकाको वडामा घर खाली गराउन उजुरी दिएका थिए । उक्त उजुरी वडाबाट कार्यान्वयन हुन नसकेपछि साउन २ गते महानगरपालिकामा पठाइएको थियो । त्यसपछि महानगरपालिकाको न्यायिक समितिमा ७ साउनमा घरबेटी वादीका रूपमा राखेर मुद्दा दर्ता भएको थियो ।
What's Your Reaction?