यस्तो छ दिल्लीका नयाँ मुख्यमन्त्री आतिशीको करिअर

काठमाडौं । आम आदमी पार्टीको सरकारमा महत्वपूर्ण पदमा रहेकी आतिशी मार्लेना भारतको राजधानी दिल्लीको नयाँ मुख्यमन्त्री बनाइएको छ ।

अरविन्द केजरीवालको निवासमा भएको विधायक दलको बैठकमा सबै आपका नेताहरूले आतिशीको नामलाई अनुमोदन गरेका थिए ।

योसँगै आतिशी दिल्लीको तेस्रो महिला मुख्यमन्त्री हुनेछिन् । उनीअघि पूर्व विदेशमन्त्री सुष्मा स्वराज र शीला दीक्षितले यो पद सम्हालेका थिए ।

दिल्लीको शिक्षामन्त्री समेत रहेकी आतिशीलाई आम आदमी पार्टीका वरिष्ठ नेताहरूमध्ये एक मानिन्छ । आतिशीले सामाजिक कार्यकर्ताका रूपमा सार्वजनिक जीवन सुरु गरेकी थिइन् ।

पछि उनले आम आदमी पार्टीबाट आफ्नो राजनीतिक करियर सुरु गरिन् । आतिशी हाल दिल्लीको कालकाजी विधानसभा क्षेत्रबाट विधायक हुन् ।

उनले दिल्ली सरकारको शिक्षा विभागसँगै पीडब्ल्यूडी, संस्कृति र पर्यटन मन्त्रीको रूपमा काम गरिसकेकी छिन् । आतिशीलाई मुख्यमन्त्री अरविन्द केजरीवालको निकटस्थका रुपमा चिनिन्छ ।

प्रारम्भिक जीवन र शिक्षा

आतिशीको जन्म ८ जुन १९८१ मा दिल्लीमा भएको थियो । उनका आमाबाबु विजय सिंह र तृप्ता वाही दिल्ली विश्वविद्यालयका प्राध्यापक थिए ।

उनले स्प्रिंगडेल्स स्कूल, दिल्लीबाट आफ्नो स्कूली शिक्षा पूरा गरिन् र त्यसपछि दिल्लीको सेन्ट स्टीफन्स कलेजबाट इतिहासमा स्नातक डिग्री हासिल गरिन् ।

त्यसपछि उनले अक्सफोर्ड विश्वविद्यालयमा चेभेनिङ छात्रवृत्तिमा प्राचीन र आधुनिक इतिहासमा स्नातकोत्तर गरिन् ।

राजनीतिक करियर

सन् २०१२ मा भ्रष्टाचार विरोधी आन्दोलनमा प्रवेश गर्नेमध्ये एक थियो, आम आदमी पार्टी । पार्टीलाई आज यो स्थानमा पुर्‍याउन आतिशीको ठूलो योगदान छ । उनले पूर्वी दिल्लीबाट सन् २०१९ को लोकसभा चुनाव लडिन् तर, हारिन् ।

सन् २०२० मा उनी कालकाजी विधानसभा क्षेत्रबाट चुनाव जितिन् र विधायक बनिन् । यसपछि दिल्लीका पूर्व उपमुख्यमन्त्री मनिष सिसोदिया जेल गएपछि उनी शिक्षामन्त्री बनेकी थिइन् ।

शिक्षामन्त्री बनेपछि दिल्लीको शिक्षा प्रणालीमा महत्वपूर्ण सुधार गरेकी छन् । उनले मनिष सिसोदियाको सल्लाहकारको रूपमा पनि काम गरिन् र शिक्षा नीतिहरू निर्माणमा महत्त्वपूर्ण भूमिका खेलिन् ।

अतिशीको नेट वर्थको बारेमा कुरा गर्दा चुनावी शपथ पत्र अनुसार १.४१ करोडको सम्पत्ति छ । सन् २०२० को दिल्ली विधानसभा चुनावमा उनले निर्वाचन आयोगसमक्ष सम्पत्ति विवरण पेश गरेका थिइन् ।

उनले आफूसँग करिब ३० हजार नगद रहेको र बैंक निक्षेप र एफडी जम्मा १ करोड २२ लाख रहेको बताइन् ।

आतिशीका पति 

उनका पति पञ्जाबी राजपूत परिवारका प्रवीण सिंह हुन् । प्रवीण एक शोधकर्ता र शिक्षाविद् हुन् । उनी सद्भावना इन्स्टिच्युट अफ पब्लिक पोलिसी जस्ता संस्थासँग आबद्ध छन् ।

प्रवीण सिंहले आईआईटी दिल्लीबाट अध्ययन गरेका छन् र त्यसपछि आईआईएम अहमदाबादबाट पनि अध्ययन गरेका छन् । उनले करिब ८ वर्ष कर्पोरेट क्षेत्रमा काम गरे ।

भारत र अमेरिकाका कन्सल्टेन्सी फर्ममा पनि काम गरे । त्यसपछि उनी समाजसेवामा लागे । उनी सार्वजनिक स्थलमा विरलै देखिन्छन् ।