झापामा प्रजातन्त्र सेनानीको लगत संकलन गरिने

बिर्तामोड, २ असोज । नेपाल प्रजातन्त्र सेनानी संघ झापाले प्रजातन्त्र सेनानी र दिवंगत सेनानीका परिवारको लगत संकलन गर्ने भएको छ ।

प्रजातन्त्र सेनानी संघ झापाका अध्यक्ष लिलक सिटौलाको अध्यक्षतामा बसेको बैठकले कांग्रेस स्थापनाकालदेखि २०४६ सालसम्म पार्टीमै रहेर ओझेलमा परेका तथा दिवंगत प्रजातन्त्र सेनानीका परिवारको लगत संकलन गर्ने निर्णय गरेको हो ।

कांग्रेस स्थापनाकालदेखि पार्टीमै सक्रिय रहेका तर विभिन्न कारणले ओझेलमा परेका प्रजातन्त्र सेनानीको लगत संकलन र खोजीकार्यले कांग्रेसलाई जीवन्त राख्न कोशेढुङ्गा सावित हुने प्रवक्ता ज्ञानमणि भुर्तेलले बताउनुभयो । संघको उपाध्यक्ष र प्रवक्तामा ज्ञानमणि भुर्तेल तथा कोषाध्यक्षमा सूर्य ढुङ्गाना मनोनित गरिएको सचिव पंकज घिमिरेले जानकारी दिनुभयो ।

The post झापामा प्रजातन्त्र सेनानीको लगत संकलन गरिने appeared first on Jhapa Online.