रविप्रति शंकरको कटाक्ष- जान्नेलाई छान्ने राजनीतिले कस्तो विकल्प दिन खोजेको रहेछ, स्पष्टै भयो

काठमाडौं । सत्तारूढ दल नेकपा (एमाले) का महासचिव शंकर पोखरेलले राष्ट्रिय स्वतन्त्र पार्टी (रास्वपा)ले दिन खोजेको विकल्प र सुशासन स्पष्टै भएको भन्दै कटाक्ष गरेका छन् ।

रास्वपा सभापति रवि लामिछानेलाई सहकारी विशेष संसदीय समितिले कारबाहीका लागि सिफारिस गरेकोको सन्दर्भमा महासचिव पोखरेलले यस्तो कटाक्ष गरेका हुन् ।

“जान्नेलाई छान्ने भन्ने राजनीतिक अभियानका दिग्गज अभियानकर्ताहरूले भनेको सुन्दा वैकल्पिक राजनीतिले कस्तो विकल्प र सुशासन दिन खोजेको हो स्पष्टै भयो, हैन र ?,” महासचिव पोखरेलले आफ्नो आधिकारिक फेसबूकमा भनेका छन् ।

अगाडि उनले भनेका छन्, “कुनै कम्पनीको सीईओले आफ्नो कम्पनीमा पैसा कहाँबाट आउँछ र त्यसरी आएको पैसाको दायित्व के हो भन्ने जानकारी नै नराखी बिना लगानी त्यसको सेयर होल्डर बन्दछ र सीईओको रूपमा मनलाग्दी पैसा खर्च गर्दछ ।”