शनिश्चरे नगर अस्पताललाई ७६ लाखको स्वास्थ्य सामग्री
सन्तोष शर्मा झापा, १० असोज । झापाको अर्जुनधारा नगरपालिका–९ स्थित शनिश्चरे नगर अस्पताललाई रू ७६ लाख बराबरको स्वास्थ्य उपकरण प्रदान गरिएको छ । संघीय सरकारबाट प्राप्त उक्त सामग्री आज एक कार्यक्रमका बीच अर्जुनधारा नगरपालिकाका नगरप्रमुख बलदेवसिंह गोम्देनले अस्पतालका मेडिकल सुपरिटेन्डेन्ट डा.योगेश चेम्जोङलाई हस्तान्तरण गर्नुभएको हो । अस्पताललाई रू ७६ लाख बराबरको अत्याधुनिक प्रसूती शैय्या, ईसीजी [...] The post शनिश्चरे नगर अस्पताललाई ७६ लाखको स्वास्थ्य सामग्री appeared first on Jhapa Online.
सन्तोष शर्मा
झापा, १० असोज । झापाको अर्जुनधारा नगरपालिका–९ स्थित शनिश्चरे नगर अस्पताललाई रू ७६ लाख बराबरको स्वास्थ्य उपकरण प्रदान गरिएको छ ।
संघीय सरकारबाट प्राप्त उक्त सामग्री आज एक कार्यक्रमका बीच अर्जुनधारा नगरपालिकाका नगरप्रमुख बलदेवसिंह गोम्देनले अस्पतालका मेडिकल सुपरिटेन्डेन्ट डा.योगेश चेम्जोङलाई हस्तान्तरण गर्नुभएको हो ।
अस्पताललाई रू ७६ लाख बराबरको अत्याधुनिक प्रसूती शैय्या, ईसीजी मेसिन, फोटोथेरापी मेसिन एक÷एक थान, बिरामी शैय्या नौ थान, एक्स–रे मेसिन एक थान, बीपी सेट पाँच थान, ल्याब्रोटेरी माइक्रोस्कोप एक थान, सीटीजी मेसिन एक थान र पोर्टेबल भिडियो एक्स–रे मेसिन एक थान प्रदान गरिएको हो ।
सामग्री हस्तान्तरण कार्यक्रममा नगर प्रमुख गोम्देनले नगरपालिकाले आमा र शिशुको निःशुल्क उपचार गर्ने लक्ष्य लिएको बताउनुभयो । “नगर अस्पताललाई सुविधा सम्पन्न बनाउने प्रयास जारी छ”, उहाँले भन्नुभयो, “अस्पतालको पूर्वाधार विकास भएर मात्र हुँदैन, सेवा पनि प्रभावकारी हुनुपर्छ, त्यसका लागि गुणस्तरीय सेवा प्रवाह गर्न अस्पतालका सबै चिकित्सक, स्वास्थ्यकर्मी र कर्मचारीलाई आग्रह गर्छु ।”
भिडियो समाचारका लागि उहाँ क्लिक गर्नुहोला
https://www.facebook.com/jhapaonlineportal/videos/492570530319309
नगर अस्पतालको नवनिर्मित भवन निर्माणका लागि सरकारले चाल्र आवमा रू सात करोड बजेट समेत विनियोजन गरेको उहाँले बताउनुभयो । नयाँ भवन सञ्चालनमा आएपछि सेवा समेत थप विस्तार हुने उहाँले बताउनुभयो । अस्पतालमा दुई जना चिकित्सक अत्यावश्यक रहेकाले मन्त्रालयमा माग गरिएको नगरप्रमुख गोम्देनले बताउनुभयो ।
कार्यक्रममा अस्पतालका मेसु चेम्जोङले अस्पतालको वर्तमान अवस्था र सेवाहरुको विषयमा जानकारी गराउनुभएको थियो भने अभिलेख शाखा प्रमुख किरणकुमार खरेलले गत आर्थिक वर्ष ०८०/०८१ र चालु आर्थिक वर्ष ०८१÷०८२ को सेवा विवरण प्रस्तुत गर्नुभएको थियो ।
नगर प्रमुख गोम्देनको अध्यक्षतामा भएको कार्यक्रममा अस्पताल व्यवस्थापन समिति सदस्य कृष्ण बरालले शुभकामना मन्तव्य राख्नुभएको थियो ।
कार्यक्रममा नगर अस्पतालबाट पहिलो पटक शल्यक्रियाको माध्यमबाट प्रसुती सेवा लिने अर्जुनधारा–८ की सिवानीदेवी पूर्वेलाई सम्मान गरिएको छ । साउन २० गतेदेखि उक्त सेवा शुरु गरेको अस्पतालमा सिवानीदेवीले गत साउन २६ गते छोरा प्रथम पूर्वेलाई जन्म दिनुभएको थियो । उहाँलाई पोषिलो खाना, शिशुका लागि कपडा लगायतको सामान समेत प्रदान गरिएको थियो ।
The post शनिश्चरे नगर अस्पताललाई ७६ लाखको स्वास्थ्य सामग्री appeared first on Jhapa Online.
What's Your Reaction?