यसरी निकालियो मर्स्याङ्दी नदीबाट भारतीय बस (तस्वीरहरू)
काठमाडौं । पृथ्वीराजमार्गअन्तर्गत तनहुँको आँबुखैरेनी गाउँपालिका–२ ऐनापहरास्थित मर्स्याङ्दी नदीमा गत भदौ ७ गते खसेको भारतीय नम्बर प्लेटको बस नदीबाट बाहिर निकालिएको छ । सोमबार बिहानै ६ बजेदेखि मुग्लिन–आँबुखैरेनी सडकखण्ड बन्द गरेर दुई वटा क्रेनले बस निकालेको हो । सुरुमा एउटा क्रेनबाट भएको प्रयासबाट बस निकाल्न नसकिएपछि अर्को क्रेन लगेर बस सडकमा निकालिएको जिल्ला प्रहरी कार्यालयका […]
काठमाडौं । पृथ्वीराजमार्गअन्तर्गत तनहुँको आँबुखैरेनी गाउँपालिका–२ ऐनापहरास्थित मर्स्याङ्दी नदीमा गत भदौ ७ गते खसेको भारतीय नम्बर प्लेटको बस नदीबाट बाहिर निकालिएको छ ।
सोमबार बिहानै ६ बजेदेखि मुग्लिन–आँबुखैरेनी सडकखण्ड बन्द गरेर दुई वटा क्रेनले बस निकालेको हो ।
सुरुमा एउटा क्रेनबाट भएको प्रयासबाट बस निकाल्न नसकिएपछि अर्को क्रेन लगेर बस सडकमा निकालिएको जिल्ला प्रहरी कार्यालयका प्रहरी नायब उपरीक्षक दीपक रायले जानकारी दिए ।
पोखराबाट काठमाडौंतर्फ जाँदै गरेको बस नदीमा खस्दा २७ जनाको मृत्यु भएको थियो । दुर्घटनामा घाइते १६ जनाको काठमाडौंस्थित शिक्षण अस्पतालमा उपचार भइरहेको छ ।
बेपत्ता एक जनाको खोजी भइरहेको प्रहरीले जनाएको छ ।
तस्वीर स्रोत – मुग्लिन बजारको फेसबुक पेजबाट
What's Your Reaction?