दमकमा दुर्घटना गरेर फरार सिटी चालक पक्राउ, दुर्घटनामा एक बालिकाको भएको थियो मृत्यु

झापा, १२ भदौ । झापाको दमक दुर्घटना गरी फरार भएका एक सिटी सफारी चालकलाई प्रहरीले पक्राउ गरेको छ । सिटीको ठक्करबाट एक बालकको मृत्यु भएको थियो ।

गत असार १४ गते दमक–१ बरगाछीको भित्री सडक खण्डमा मे १ ह ६४०९ नम्बरको सिटी सफारीले पैदलयात्री काठमाडौं दक्षिणकालीका–१ घर भई दमक–१ मा बस्दै आएकी सर्मिला नेम्बाङ र निजको छोरी बर्ष २ की आरोशी मगरलाई ठक्कर दिएको थियो । घाइतेमध्ये ओरोशीको उपचारका क्रममा लाइफलाइन अस्पताल दमकमा सोही मृत्यु भएको थियो ।

दुर्घटनापछि सिटी चालक फिलिप भन्ने लछुमन लिम्बू फरार भएका थिए । तेह्रथुम थोक्लाङ–१ घर भइ हाल दमक–९ बस्दै आएका ५५ लिम्बूलाई खोजतलास गर्ने क्रममा मंगलबार साँझ दमक–८ गणतन्त्र चोकमा लुकीछिपी बसिरहेको अवस्थामा प्रहरीले फेला पारेको थियो । लिम्बूलाई इलाका प्रहरी कार्यालय दमकमा राखी थप अनुसन्धान कार्य भइरहेको जिल्ला प्रहरी कार्यालय झापाले जनाएको छ ।

The post दमकमा दुर्घटना गरेर फरार सिटी चालक पक्राउ, दुर्घटनामा एक बालिकाको भएको थियो मृत्यु appeared first on Jhapa Online.