बंगलादेशमा जमात-ए-इस्लामीमाथिको प्रतिबन्ध हटाइयो
काठमाडौं । बंगलादेशको अन्तरिम सरकारले बुधबार जमात-ए-इस्लामीमाथि लगाइएको प्रतिबन्ध हटाएको छ । जमात-ए-इस्लामीको विद्यार्थी संगठन इस्लामी छात्रशिविर र यसका अन्य संगठनहरूमाथिको प्रतिबन्ध पनि हटाइएको छ । यी संगठनहरूलाई सन् २०१३ मा शेख हसिना सरकारको समयमा प्रतिबन्ध लगाइएको थियो । गत वर्ष बंगलादेशको सर्वोच्च अदालतले पनि जमातलाई चुनाव लड्न प्रतिबन्ध लगाएको थियो । गृह मन्त्रालयले अगस्ट […]
काठमाडौं । बंगलादेशको अन्तरिम सरकारले बुधबार जमात-ए-इस्लामीमाथि लगाइएको प्रतिबन्ध हटाएको छ ।
जमात-ए-इस्लामीको विद्यार्थी संगठन इस्लामी छात्रशिविर र यसका अन्य संगठनहरूमाथिको प्रतिबन्ध पनि हटाइएको छ ।
यी संगठनहरूलाई सन् २०१३ मा शेख हसिना सरकारको समयमा प्रतिबन्ध लगाइएको थियो । गत वर्ष बंगलादेशको सर्वोच्च अदालतले पनि जमातलाई चुनाव लड्न प्रतिबन्ध लगाएको थियो ।
गृह मन्त्रालयले अगस्ट २८ मा प्रतिबन्ध फुकुवा गर्ने सूचना जारी गरेको छ ।
जमात-ए-इस्लामीमाथिको प्रतिबन्ध फुकुवा भएपछि बंगलादेशको राजनीतिमा यसका लागि विकल्प खुलेको छ र यसले चुनावमा आफ्नो भूमिका खेल्न सक्छ ।
जमात-ए-इस्लामी बंगलादेशको सबैभन्दा ठूलो इस्लामिक पार्टी हो । यो पार्टीको विद्यार्थी संगठन निकै बलियो छ । देशमा हिंसा र अतिवादलाई बढावा दिएको आरोप लगाइएको छ ।
भारतमा बाबरी मस्जिद भत्काइएपछि पार्टीलाई बंगलादेशमा हिन्दू विरोधी दंगा भड्काएको आरोप पनि लागेको थियो । जमात-ए-इस्लामीको छवि भारत विरोधी छ ।
सन् १९९० मा बंगलादेशमा सैन्य शासनको अन्त्यपछि जमात-ए-इस्लामी र यसका नेताहरूलाई युद्ध अपराधको आरोप लगाइयो र मुद्दा चलाइयो ।
सन् २०१० मा अन्तर्राष्ट्रिय फौजदारी न्यायाधिकरणले पनि आठ दलका नेताहरूलाई युद्ध अपराधमा दोषी ठहर गरेको थियो ।
जमातले सन् १९७८ मा पहिलो पटक चुनावमा भाग लिएको थियो । सन् २००१ मा यो पार्टी पनि बेगम खालिदा जियाको नेतृत्वमा रहेको सरकारमा सामेल भएको थियो ।
‘जमात-ए-इस्लामी बंगलादेश, यसको विद्यार्थी संगठन इस्लामी छात्र शिबिर र संगठनका अन्य सबै आबद्ध एकाइहरूको आतंकवादसँग कुनै सम्बन्ध रहेको फेला परेको छैन,’ गृह मन्त्रालयको सूचनामा भनिएको छ ।
What's Your Reaction?