तिज खर्च कटाएर बिरामी महिलालाई सहयोग

झापा, १३ भदौ । महिनौंदेखि घरदेखि होटलसम्म पार्टी भोज गरेर मनाएर तिजको मर्म मरिरहेका बेला नेपालगञ्ज उद्योग वाणिज्य सङ्घले महिला सदस्यले तिज मनाउन लाग्ने खर्च कटाएर स्वास्थ्य समस्यामा परेकी व्यवसायी महिलालाई सहयोग गरेको छ ।

संघका अध्यक्ष टंकबहादुर धामी नेतृत्वको पदाधिकारी र सदस्य सम्मिलित टोलीले संघका साधारण सदस्य कृष्णा शाहीलाई ७६ हजार तीन सय रुपैयाँ सहयोग गरेको हो । नेपालगन्ज औद्योगिक क्षेत्रभित्र कृष्णा चमेना गृह सञ्चालन गरिरहेकी शाही एपेन्डाइटिक्सको इन्फेक्सनबाट गम्भीर बिरामी हुनुहुन्छ ।

सङ्घको सामाजिक उत्तरदायित्व कार्यक्रम अन्तर्गत ५१ हजार रुपैयाँ र कार्य समिति पदाधिकारी र सदस्यबाट सङ्कलन गरेको २५ हजार तीन सय रुपैयाँ औद्योगिक क्षेत्रभित्र रहेको निवासमै पुगेर अध्यक्ष धामीले शाहीका पतिलाई रकम हस्तान्तरण गर्नुभएको हो ।

पछिल्लो समय घर–होटलमा गरिष्ठ भोजन गरेर तिज मनाउने क्रम बढेको छ । यसले तिजको मर्ममाथि निमर्म प्रहार भइरहेको छ । तिजका नाममा भइरहेका यस्ता विकृत हटाउन महिला अभियन्ताहरुले पहल थाल्न ढिला भइसकेको छ ।

The post तिज खर्च कटाएर बिरामी महिलालाई सहयोग appeared first on Jhapa Online.