अमेरिकासहित १० देशले गरे टीआरसीको स्वागत, सोधे- हामीले के सहयोग गर्नुपर्छ ?
काठमाडौं । बिहीबार प्रमाणीकरण भएको नेपालको सङ्क्रमणकालीन न्यायसम्बन्धी विधेयक (टीआरसी) को अमेरिकासहित १० देशले स्वागत गरेका छन् । विधेयक प्रमाणीकरण भएपछि संयुक्त विज्ञप्ति जारीगर्दै १० युरोपियन देशहरूले आफूहरूले गर्नुपर्ने सहयोगमा प्रतिबद्ध रहेको प्रतिक्रिया दिएका छन् । “भविष्यमा चाल्नुपर्ने सम्भावित कदमहरूको सम्बन्धमा मूल्याङ्कन गर्न सकियोस् भनी हामी निम्नानुसारका हस्ताक्षरकर्ताहरू सत्य निरूपण तथा मेलमिलाप आयोग र बेपत्ता […]
काठमाडौं । बिहीबार प्रमाणीकरण भएको नेपालको सङ्क्रमणकालीन न्यायसम्बन्धी विधेयक (टीआरसी) को अमेरिकासहित १० देशले स्वागत गरेका छन् ।
विधेयक प्रमाणीकरण भएपछि संयुक्त विज्ञप्ति जारीगर्दै १० युरोपियन देशहरूले आफूहरूले गर्नुपर्ने सहयोगमा प्रतिबद्ध रहेको प्रतिक्रिया दिएका छन् ।
“भविष्यमा चाल्नुपर्ने सम्भावित कदमहरूको सम्बन्धमा मूल्याङ्कन गर्न सकियोस् भनी हामी निम्नानुसारका हस्ताक्षरकर्ताहरू सत्य निरूपण तथा मेलमिलाप आयोग र बेपत्ता पारिएका व्यक्तिको छानबिन आयोगलाई प्रभावकारी रूपमा काम गर्न सघाउन के-कस्ता विशेष आवश्यकताहरू छन् भन्ने विषयमा नेपाल सरकारबाट जान्न तत्पर छौँ,” विज्ञप्तिमा भनिएको छ ।
उनीहरूले नेपालको इतिहासको यस खण्डलाई सफल निष्कर्षमा पुर्याउन सबै सरोकारवालाहरू एकजुट भएर लाग्नुपर्ने बेला आएको बताएका छन् ।
हस्ताक्षरकर्ता देशहरू-
१. संयुक्त राज्य अमेरिका
२. स्विजरल्याण्ड
३. अस्ट्रेलिया
४. संयुक्त अधिराज्य बेलायत
५. नर्वे
६. जापान
७. फिनल्याण्ड
८. युरोपियन युनियन
९. जर्मनी
१०. फ्रान्स
What's Your Reaction?
