‘यो बुल नै हो, बुलमा करेक्सन स्वभाविक छ, २००० मा छुटेँ भन्नेहरुका लागि यो बेला अवसर हुनसक्छ’- ऋषि पोखरेल 

काठमाडौँ । सेयर बजारका लगानीकर्ता एवम् चार्टर्ड एकाउन्टेन्ट (सिए) ऋषि पोखरेलले अहिले बजारमा देखिएको करेक्सन स्वभाविक करेक्सन भएको बताएका छन् । अर्थ सरोकार पोडकास्टमा कुराकानी गर्दै उनले अहिलेको करेक्सन सामान्य र स्वभाविक भएको बताएका हुन् । 

उनले विगतमा मार्केटको सिनारियो हेर्ने हो भने पनि हरेक पटको बुलमा यस्तै करेक्सन देखिएको भन्दै यो करेक्सनमा लगानीकर्ता आत्तिनुपर्ने अवस्था नभएको बताएका छन् ।

‘यो मार्केटको क्यारेक्टर हो । मार्केट सँधै माथि वा तलमात्र जाँदैन । मार्केट माथि पनि जान्छ, तल पनि झर्छ । मुख्य कुरा यो बुल हो कि बियर छुट्याउनुपर्छ ।’, उनले भने, ‘अहिले बजार बुलिस लयमा छ । बुलमा हायर हाई बनाएको मार्केट अहिले हायर लो बनाउन तल झरेको हो, जुन स्वभाविक पनि हो ।’ 

त्यस्तै, नेपाली सेयर बजारमा लगानीकर्ताले किन्ने बेलामा किन्न नसक्ने र बेच्ने बेलामा बेच्न नसक्ने प्रवृत्तिका कारण हरेक पटक बुलमा अनुभव मात्रै कमाउने गरेको पनि पोखरेलले बताएका छन् । साथै उनले बजारमा कसैले भनिदिएको भरमा वा हल्लाको भरमा लगानी गर्नु घातक हुने भन्दै बजार बुझेर मात्र लगानी गर्न पनि आग्रह गरेका छन् । 

साथै, अहिलेको बजार देखिएको करेक्सन सामान्य करेक्सनबाहेक अरु केही नभएको भन्दै ‘२००० मा छुटेँ’ भन्नेहरुका लागि यो बेला अवसर भएको पनि उल्लेख गरेका छन् । सेयर बजारबारे पोखरेलसँग गरिएको थप कुराकानी भिडियोमा हेर्नुहोस्ः