इजरायली सरकारविरुद्ध जनता आक्रोशित, राष्ट्रव्यापी एक दिने हड्तालको घोषणा
काठमाडौं । सरकारले हमासको नियन्त्रणमा रहेका बन्धकलाई स्वतन्त्र गर्न असफल भएको भन्दै इजरायलमा जनताले विरोध प्रदर्शनलाई जारी राखेका छन् । शनिबार ६ बन्धकको शव इजरायली सेनाले भेटाएसँगै आक्रोशमा आएका जनताका कारण राष्ट्रियरुपमा नै तनाव बढ्दै गएको छ । इजरायलको सबैभन्दा ठूलो मजदुर संघ हिस्ताद्रुतले एक दिने हड्ताल घोषणा गरेको छ । राष्ट्रले सहमतिभन्दा पनि शवको […]
काठमाडौं । सरकारले हमासको नियन्त्रणमा रहेका बन्धकलाई स्वतन्त्र गर्न असफल भएको भन्दै इजरायलमा जनताले विरोध प्रदर्शनलाई जारी राखेका छन् ।
शनिबार ६ बन्धकको शव इजरायली सेनाले भेटाएसँगै आक्रोशमा आएका जनताका कारण राष्ट्रियरुपमा नै तनाव बढ्दै गएको छ ।
इजरायलको सबैभन्दा ठूलो मजदुर संघ हिस्ताद्रुतले एक दिने हड्ताल घोषणा गरेको छ । राष्ट्रले सहमतिभन्दा पनि शवको ब्यागहरु प्राप्त गरिरहेको संघका नेता आर्नन बार–डेभिढले बताए ।
सरकारले यस हड्तालप्रति आक्रोशित प्रतिक्रिया दिएको छ । दक्षिणपन्थी अर्थमन्त्री बेजलेल स्मोट्रिचले संघ आफैँ हमासको इसारामा चलिरहेको आरोप लगाए ।
हमासको नियन्त्रणमा रहेका ६ जना बन्धक मृत अवस्थामा भेटिए
केही शहर र नगरपालिकाले सो हड्तालमा सहभागी नहुने भनेलगत्तै हड्ताल कतिको सफल हुन्छ भन्नेबारे प्रष्ट खाका आइसकेको छैन । यद्यपि, राष्ट्रियव्यापी रुपमा घोषणा गरिएको सो हड्तालले बन्धकको मृत्युप्रति सर्वसाधारणको आक्रोशलाई दर्शाएको छ ।
आइतबार दशौं हजार मानिसले इजरायलमा र्याली निकालेर हमासले बन्धक बनाएका मानिसलाई रिहा गर्न प्रधानमन्त्री बेन्यामिन नेतान्याहु र उनको सरकारले पर्याप्त पहल नगरेको आरोप लगाए । कतिले प्रधानमन्त्री नेतान्याहु र उनको सरकारविरुद्ध नारा पनि लगाए ।
सो प्रदर्शन मुख्यत: शान्तिपूर्ण भएपनि भीडले पुलिसको घेरातोडेर तेल अवीवको मुख्य राजमार्ग अवरुद्ध गरेको छ ।
इजरायलमा प्रधानमन्त्री नेतन्याहुविरुद्ध चर्को प्रदर्शन, युद्धविराम गरेर वार्ता गर्न आग्रह
What's Your Reaction?