हेडफोनको अत्याधिक प्रयोगले निम्त्याउन सक्छ बहिरोपन

काठमाडौं । आजकल धेरै मानिसहरू शहरी कोलाहलबाट बच्न वा फेसनको लागि हेडफोनको प्रयोग गर्छन् । अफिस जानु होस्, कलेज जानु होस् वा कुनै यात्रामा निस्कनु होस्, यस्तो समयमा सबैको साथी हेडफोन वा इयरफोन बन्छ । यो त सत्य हो कि हेडफोन बाहिरी कोलाहलबाट बचाउँछ ।

तर, के तपाईंलाई थाहा छ कि यसको धेरै प्रयोग तपाईंको लागि कति हानिकारक साबित हुन सक्छ ? यदि तपाईं पनि ती व्यक्तिहरूमध्ये हुनुहुन्छ, जो घण्टौँसम्म हेडफोनको प्रयोग गर्नुहुन्छ भने सावधान हुनुहोस् । किनकि यसको प्रयोगले न केवल तपाईंको कानमा नराम्रो प्रभाव पार्छ, बरु शरीरलाई पनि धेरै गम्भीर हानि पुर्‍याउन सक्छ ।

स्वास्थ्य विशेषज्ञहरूको अनुसार इयरफोन वा हेडफोन शरीरलाई हानि पुर्‍याउनेसँगै नराम्रो लत पनि बन्न सक्छ । इयरफोनबाट आउने सङ्गीतले तपाईंको कानको पर्दामा ठूलो प्रभाव पार्छ, जसले स्थायी क्षति पुर्‍याउन सक्छ ।

विश्व स्वास्थ्य सङ्गठनको अनुमान छ कि हेडफोन वा इयरफोनको धेरै प्रयोगको कारणले विश्वभर करिब १०० करोड युवाहरूको सुनाइ क्षमतामा असर पर्न सक्छ ।

हेडफोन वा इयरफोन प्रयोगका असरहरू

बहिरोपन

इयरफोन वा हेडफोनबाट ठूलो आवाजमा सङ्गीत सुन्दा तपाईंको सुनाइ क्षमतामा असर पर्न सक्छ । कानको सुनाइ क्षमता मात्र ९० डेसिबल हुन्छ, जुन लगातार सुन्दा ४०–५० डेसिबलसम्म कम हुन सक्छ ।

मुटु रोगको खतरा

विशेषज्ञहरूका अनुसार घण्टौँसम्म हेडफोन लगाएर सङ्गीत सुन्नु कानसँगै मुटुको लागि पनि राम्रो होइन । यसले मुटुको धड्कन बढाउनुका साथै धेरै हानि पुर्‍याउँछ ।

टाउको दुखाइ

हेडफोन वा इयरफोनबाट निस्कने इलेक्ट्रोम्याग्नेटिक वेभले दिमागमा नराम्रो प्रभाव पार्छ । यसले गर्दा टाउको दुखाइ र माइग्रेनको समस्या उत्पन्न हुन्छ । धेरै मानिसहरू निद्रामा बाधा, निद्रा नआउने, अनिद्रा वा स्लीप एपनियाबाट पनि पीडित हुन्छन् ।

कानमा सङ्क्रमण

इयरफोन सिधै कानमा लगाइन्छ, जसले एयर प्यासेजमा बाधा पुर्‍याउँछ । यो बाधाले ब्याक्टेरियाको विकाससहित विभिन्न प्रकारका कानको सङ्क्रमणको कारण बन्न सक्छ ।

तनाव र चिन्तामा वृद्धि

हेडफोनको लामो समयसम्म प्रयोगले कुनै व्यक्तिको सामाजिक जीवन र मानसिक स्वास्थ्य क्षमतामा असर पार्न सक्छ । धेरै पटक यो बढी चिन्ता र तनावको कारण पनि बन्न सक्छ ।