नेसन्स लिग : इटालीसँग फ्रान्स स्तब्ध
काठमाडौं । नेसन्स लिगको पहिलो खेलमै फ्रान्स पराजित भएको छ । पेरिसस्थित पार्क डी प्रिन्सेस रंगशालामा भएको खेलमा फ्रान्स इटालीसँग ३-१ गोलअन्तरले पराजित भएको हो । खेलमा सुरुवाती अग्रता भने फ्रान्सले लिएको थियो । खेलको पहिलो मिनेटमै ब्राडली बारकोलाले गोल गर्दै फ्रान्सलाई सुरुवाती अग्रता दिलाएका थिए । तर, खेलको ३०औँ मिनेटमा इटालीका लागि फेडेरिको डिमार्कोले गोल गर्दै खेल […]
काठमाडौं । नेसन्स लिगको पहिलो खेलमै फ्रान्स पराजित भएको छ । पेरिसस्थित पार्क डी प्रिन्सेस रंगशालामा भएको खेलमा फ्रान्स इटालीसँग ३-१ गोलअन्तरले पराजित भएको हो ।
खेलमा सुरुवाती अग्रता भने फ्रान्सले लिएको थियो । खेलको पहिलो मिनेटमै ब्राडली बारकोलाले गोल गर्दै फ्रान्सलाई सुरुवाती अग्रता दिलाएका थिए । तर, खेलको ३०औँ मिनेटमा इटालीका लागि फेडेरिको डिमार्कोले गोल गर्दै खेल १-१ गोलको बराबरीमा ल्याएका थिए ।
पहिलो हाफ १-१ गोलको बराबरीमा सकिएको खेलको दोस्रो हाफमा इटालीले थप दुई गोल गरेको थियो । खेलको ५०औँ मिनेटमा डेभिड फ्राटेसीले गोल गर्दै इटालीलाई २-१ गोलअन्तरको अग्रता दिलाए ।
त्यसपछि खेलको ७४औँ मिनेटमा जियाकोमो रासपाडोरीले गोल गरेपछि इटाली फ्रान्समाथि ३-१ गोलअन्तरको जित निकाल्न सफल भयो ।
जितसँगै इटालीले ३ अङ्क जोडेको छ ।
What's Your Reaction?
