माईखोलामा डुबेर भद्रपुरका फिरोजको मृत्यु, बिर्तामोडका उज्वल बेपत्ता
बनियानी, २४ भदौ । झापाको शिवसताक्षी नगरपालिका–१० स्थित कन्काई माईखोलामा पौडी खेल्ने क्रममा डुबेर आज एक जनाको मृत्यु भएको छ भने एक जना बेपत्ता भएका छन् । मृत्यु हुनेमा भद्रपुर नगरपालिका–५ का १७ वर्षीय फिरोज खान रहेको जिल्ला प्रहरी कार्यालय झापाका प्रवक्ता प्रहरी नायब उपरीक्षक कृष्णकुमार चन्दले जानकारी दिनुभयो । त्यस्तै, बिर्तामोड नगरपालिका–२ का १८ [...] The post माईखोलामा डुबेर भद्रपुरका फिरोजको मृत्यु, बिर्तामोडका उज्वल बेपत्ता appeared first on Jhapa Online.
बनियानी, २४ भदौ । झापाको शिवसताक्षी नगरपालिका–१० स्थित कन्काई माईखोलामा पौडी खेल्ने क्रममा डुबेर आज एक जनाको मृत्यु भएको छ भने एक जना बेपत्ता भएका छन् ।
मृत्यु हुनेमा भद्रपुर नगरपालिका–५ का १७ वर्षीय फिरोज खान रहेको जिल्ला प्रहरी कार्यालय झापाका प्रवक्ता प्रहरी नायब उपरीक्षक कृष्णकुमार चन्दले जानकारी दिनुभयो । त्यस्तै, बिर्तामोड नगरपालिका–२ का १८ वर्षीय उज्वल राई बेपत्ता भएका छन् ।
खान र राईसहित चार जना दोमुखा घुम्न आएकोमा माईखोलामा नुहाउने क्रममा खान र राई खोलामा डुबेर बेपत्ता भएका थिए । घटनाको जानकारी पाएपछि खटिएको प्रहरी टोलीले खानको शव घटनास्थलबाट एक सय मिटर दक्षिणमा ढुङ्गामा अड्किएको अवस्थामा फेला पारेको जिल्ला प्रहरी कार्यालय झापाले जनाएको छ ।
राई हालसम्म फेला नपरेकाले कोशी प्रदेश प्रहरी विपद व्यवस्थापन गुल्म चन्द्रगढी, सशस्त्र प्रहरी बल नेपाल सुरक्षा बेस क्याम्प शनिश्चरको टोली खोजी कार्य जारी राखेको छ । मृत खानको शव पोष्टमार्टमका लागि प्रदेशिक अस्पताल भद्रपुर पठाइएको प्रहरीले जनाएको छ ।
The post माईखोलामा डुबेर भद्रपुरका फिरोजको मृत्यु, बिर्तामोडका उज्वल बेपत्ता appeared first on Jhapa Online.
What's Your Reaction?