पाँचपोखरी थाङपाल गाउँपालिकाले गर्यो झोलुङ्गे पुल पुनर्निर्माण
सिन्धुपाल्चोक । लार्के र इन्द्रावती नदीमा गत असार ३० मा आएको भीषण बाढीले पूर्णरुपमा क्षति पुर्याएको झोलुङ्गे पुल पुनर्निर्माण गरिएको छ । पाँचपोखरी थाङपाल गाउँपालिका–३ भोताङ र वडा नम्बर २ याङ्ग्री जोड्ने झोलुङ्गे पुल गत असार ३० गते इन्द्रावती नदीमा आएको बाढीले क्षति पुर्याएको थियो । बाढीले गाउँपालिकाको तीन वटा झोलुङ्गे पुलमा क्षति पुगेको थियो […]
सिन्धुपाल्चोक । लार्के र इन्द्रावती नदीमा गत असार ३० मा आएको भीषण बाढीले पूर्णरुपमा क्षति पुर्याएको झोलुङ्गे पुल पुनर्निर्माण गरिएको छ ।
पाँचपोखरी थाङपाल गाउँपालिका–३ भोताङ र वडा नम्बर २ याङ्ग्री जोड्ने झोलुङ्गे पुल गत असार ३० गते इन्द्रावती नदीमा आएको बाढीले क्षति पुर्याएको थियो । बाढीले गाउँपालिकाको तीन वटा झोलुङ्गे पुलमा क्षति पुगेको थियो ।
बाढीले क्षति पुर्याएको पुलमध्ये गाउँपालिकाकै स्रोतबाट चिण्डे र याङग्रीको पुल पुनर्निर्माण भइसकेको गाउँपालिका अध्यक्ष टासी लामाले जानकारी दिए ।
बाढीले क्षति पुर्याएको माकालमा भने मोटरेबल पुल निर्माण गर्न बोलपत्र आह्वान गर्ने तयारी गरिएको अध्यक्ष लामाले बताए ।
वडा नम्बर २ को याङ्ग्री, सुनचौर, डाले, ब्राथोर, रिपार लगायतका स्थानीय हिँड्नका लागि प्रयोग हुने एकमात्र झोलुङ्गे पुलमा क्षति पुगेपछि समस्या भएको स्थानीय केशाङ तामाङले बताए ।
तामाङका अनुसार विद्यार्थी, स्थानीय र धार्मिक स्थल आमायाङ्ग्री जाने पर्यटकलाई समस्या भएको थियो ।
पुलमा क्षति पुगेपछि सङ्घ र प्रदेश सरकारलाई पटक-पटक आग्रह गरेपनि सुनुवाइ नभएको गाउँपालिका अध्यक्ष लामाले बताए ।
कतैबाट सुनुवाइ नभए पछि गाउँपालिकाकै स्रोत र साधनबाट पुल पुनर्निर्माणको प्रक्रिया अगाडि बढाइएको उनको भनाइ छ ।
सो पुलमा विक्रम संवत् २०७८ असार १ गतेको बाढीले समेत क्षति पुर्याएको थियो । तत्कालीन अवस्थामा गाउँपालिकाले बजेट विनियोजन गरी पुल निर्माण गरिएको थियो । त्यसको तीन वर्ष नबित्दै पुनः बाढीले क्षति पुर्याएको हो ।
एक सय ६२ मिटर लामो पुल रु ३४ लाख लागतमा पुनःनिर्माण गरिएको छ । त्यस्तै वडा नं. १ र ६ जोड्ने चिण्डे ६५ मिटर लामो पुल रु १३ लाखमा निर्माण गरिएको गाउँपालिकाले जनाएको छ । रासस
What's Your Reaction?