भद्रपुरमा विमानस्थलमा पूर्वराजा शाह र अध्यक्ष प्रचण्डको जम्काभेट

भद्रपुर, ३१ भदौ । पूर्व राजा ज्ञानेन्द्र शाह र नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’को भद्रपुरस्थित विमानस्थलमा आइतबार जम्काभेट भएको छ ।

केही दिन अघिदेखि झापामा रहेका पूर्वराजा शाह काठमाडौं फर्कने क्रममा र नेकपा माओवादी केन्द्रका अध्यक्ष प्रचण्ड पनि झापाको बिर्तामोडस्थित सिटी सेन्टरमा आयोजित सभालाई सम्बोधन गरेर फर्कने क्रममा विमानस्थलमा भेट भएको हो ।

पूर्व प्रधानमन्त्री तथा माओवादी अध्यक्ष दाहाल बुद्ध एयरको दिउँसो ४ः२५ बजेको बुद्ध एयरको विमानबाट काठमाडौ फर्किन लागेका थिए । बुद्ध एयरको सेकेन्ड लास्टको ९६० विमान डिले भएर साँझ ६ः३० बजे मात्र चन्द्रगढी विमानस्थल आइपुगेको थियो ।

त्यस्तै, पूर्व राजा शाह बुद्ध एयरकै अन्तिम विमान ९ः२ बाट फर्किन लागेका थिए । सो विमान पनि चन्द्रगढी विमानस्थलमा आइपुगे पनि खराब मौसमका कारण काठमाडौं फर्किन नसकेको चन्द्रगढी विमानस्थलका प्रमुख किशोरकुमार खत्रीले बताए । उनले बुद्धका दुईवटा र यति एयरलाइन्सका एउटा गरी तीनवटा विमान खराब मौसमका कारण उडान भर्न नसकेको जानकारी दिए । तीन वटा विमानको उडान रद्ध हुँदा धेरै यात्रुहरु अलपत्र परेका छन् ।

The post भद्रपुरमा विमानस्थलमा पूर्वराजा शाह र अध्यक्ष प्रचण्डको जम्काभेट appeared first on Jhapa Online.