कनकाईमा विश्वकर्मा मन्दिर उद्घाटन
कनकाई, १ असोज । झापाको कनकाईस्थित कोटिहोमधाममा निर्मित विश्वकर्मा बाबाको मन्दिर उद्घाटन भएको छ । विश्वकर्मा पूजाको अवसरमा पारेर असोज १ गते एक कार्यक्रमका बीच मन्दिर उद्घाटन गरिएको हो । २०७४ सालमा मन्दिरको भवन निर्माण कार्य पूरा भए पनि विविध कारण मन्दिर सञ्चालनमा आउन सकेको थिएन । विश्वकर्मा पूजाको अवसरमा मन्दिरमा मूर्ति प्राणप्रतिष्ठा भएसँगै मन्दिर सधैंका लागि खुला [...] The post कनकाईमा विश्वकर्मा मन्दिर उद्घाटन appeared first on Jhapa Online.
कनकाई, १ असोज । झापाको कनकाईस्थित कोटिहोमधाममा निर्मित विश्वकर्मा बाबाको मन्दिर उद्घाटन भएको छ ।
विश्वकर्मा पूजाको अवसरमा पारेर असोज १ गते एक कार्यक्रमका बीच मन्दिर उद्घाटन गरिएको हो । २०७४ सालमा मन्दिरको भवन निर्माण कार्य पूरा भए पनि विविध कारण मन्दिर सञ्चालनमा आउन सकेको थिएन । विश्वकर्मा पूजाको अवसरमा मन्दिरमा मूर्ति प्राणप्रतिष्ठा भएसँगै मन्दिर सधैंका लागि खुला गरिएको छ ।
संघीय सांसद हर्कमाया विश्वकर्माले रिबन काटेर मन्दिर उद्घाटन गरिन् । कार्यक्रमको प्रमुख अतिथि समेत रहेकी सांसद विश्वकर्माले झापाको पवित्र धार्मिकस्थलमा विश्वकर्मा बाबाको मन्दिर सञ्चालन हुनु सुखद् रहेको बताइन् । उनले मन्दिरको संरक्षण र सञ्चालनमा स्थानीयको भूमिका महत्वपूर्ण हुने बताइन् । कार्यक्रममा प्रदेश सभा सदस्य गोपाल गजमेर, कनकाई नगरपालिकाका नगरप्रमुख राजेन्द्र पोखरेल, नेपाल सुनचाँदी व्यवसायी संघका केन्द्रीय उपाध्यक्ष राजु धमला, कोटिहोम धार्मिक विकास संस्थाका अध्यक्ष शेरबहादुर थापा, सुनचाँदी व्यवसायी संघ प्रदेश समिति कोषाध्यक्ष रमेश पोतेर्ल, झापा अध्यक्ष रमेश बराइली, सिम्रिक सहकारीका अध्यक्ष तथा नेकपा एमाले बिर्तामोड नगर अध्यक्ष सुवास भट्टराई लगायतको उपस्थिति रहेको थियो ।
विश्वकर्मा पूजा व्यवस्थापन समितिका संयोजक सुवास धमलाले करिब ५० लाख रुपैयाँको लागतमा मन्दिर निर्माण गरिएको बताए । २०४१ सालदेखिको विश्वकर्मा बाबाको मन्दिर बनाउने अभियानले सार्थकता पाएको बताउँदै उनले मन्दिरको संरक्षण र सञ्चालनमा सहयोग गर्न सबैलाई आग्रह गरे ।
The post कनकाईमा विश्वकर्मा मन्दिर उद्घाटन appeared first on Jhapa Online.
What's Your Reaction?