रास्वपाले भन्यो-सरकारले मिडिया ट्रायल गरिरहेको छ, सुसंस्कृत राजनीतिबाट प्रतिवाद गर्छौं
काठमाडौं । सहकारी ठगी प्रकरणमा मुछिएका पूर्वगृहमन्त्री तथा राष्ट्रिय स्वतन्त्र पार्टीका सभापति रवि लामिछानेलाई पक्राउको तयारीपछि रास्वपाले मिडिया ट्रायल गरेको आरोप लगाएको छ । आइतबार साँझ पार्टी केन्द्रीय कार्यालय वनस्थलीमा बसेको बैठकपछि पार्टी उपसभापति डीपी अर्यालले सरकारले मिडिया ट्रायल गरिरहेको आरोप लगाएका हुन् । उनले भने, ‘हामी सकेसम्म सुसंस्कृत राजनीतिबाट प्रतिवाद गर्छौं ।’ बैठकले सभापति […]
काठमाडौं । सहकारी ठगी प्रकरणमा मुछिएका पूर्वगृहमन्त्री तथा राष्ट्रिय स्वतन्त्र पार्टीका सभापति रवि लामिछानेलाई पक्राउको तयारीपछि रास्वपाले मिडिया ट्रायल गरेको आरोप लगाएको छ । आइतबार साँझ पार्टी केन्द्रीय कार्यालय वनस्थलीमा बसेको बैठकपछि पार्टी उपसभापति डीपी अर्यालले सरकारले मिडिया ट्रायल गरिरहेको आरोप लगाएका हुन् । उनले भने, ‘हामी सकेसम्म सुसंस्कृत राजनीतिबाट प्रतिवाद गर्छौं ।’
बैठकले सभापति लामिछानेलाई पक्राउ गर्ने कदमको प्रतिवाद गर्ने निर्णय समेत गरेको छ । रास्वपाका संसदीय दलका उपनेता विराजभक्त श्रेष्ठले सरकारले नयाँ अभिव्यक्ति र नयाँ शक्तिलाई दबाउन खोजेको भन्दै सभापतिमाथि ज्यादति गर्न खोजेको बताए ।
पार्टी कार्यालय बनस्थलीमा जम्मा भएका कार्यकर्तालाई धन्यवाद दिँदै उनले भने, ‘सरकारले ज्यादति गरिरहेको छ। तपाईँहरू सबैलाई धन्यवाद यति छोटो सूचनामा यतिका साथीहरू यहाँ आउनु भयो। ’ उनले आफूहरु अहिले कानुनी परामर्शमै रहेको बताए । उनले सरकारलाई यसबारे निर्णय सच्याउन आग्रह गर्ने समेत बताए ।
अहिले रास्वपाको केन्द्रीय कार्यालयमा नेता कार्यकर्ताहरूको भिड लागेको छ। वनस्थलीस्थित कार्यालयमा नेता कार्यकर्ताले अहिले पनि लामिछानेको पक्षमा नाराबाजी गरिरहेका छन् ।
What's Your Reaction?