कार्यकर्तालाई सम्बोधन गर्दै रविले भने- मैले केही बिराएको छैन, डराउँदिन

काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले आफूले केही नबिराएको बताएका छन् ।

पार्टी कार्यालयमा भेला भएका कार्यकर्तालाई आइतबार राति सम्बोधन गर्दै लामिछानले आफूले केही नबिराएका कारण नडराउँने बताए ।

सम्बोधनका क्रममा उनले भने, ‘मैले केही बिराएको छैन । म डराएको पनि छैन् । सबैलाई हेक्का रहोस् रवि लामिछाने मान्छे बेचेर राजनीतिमा आएको होइन । बेचेका मान्छेलाई बचाएर राजनीतिमा आएको हो ।’

‘संसदीय समितिले छानबिनका क्रममा काहीँ कतै कुनै पनि किसिमको संलग्नता छैन भन्छ । म भागेर लुकेर डराएको होइन। म भागेको पनि छैन, लुकेको पनि छैन । सरकारले जुन ट्रायल गरिरहेको छ मैले बुझ्न सकेको छैन के हो ?, उनले प्रश्न गरे ।’

उनले अगाडी थपे, ‘मैले राजनीतिक प्रतिवेदनमा पनि स्पष्ट पारेको थिएँ । अन्याय गर्न पाइँदैन कसैको सहनशीलता चाहिँदैन।’

सहकारीको रकम अपचलनबारे छानबिनलाई सघाउन तयार रहेको बताउँदै उनले भने, ‘छानबिनलाई सघाउन तयार छु । तर, यो पञ्चायत शैली ठिक भएन । सरकार एउटा मान्छेसँग नयाँ आउँदै गरेको दलसँग डराएको ठिक भएन । म अनि हिजो पनि अन्यायको शिकार भएको थिएँ आज पनि निरन्तर घेराबन्दीमा छु। कानुनी रूपमा राजनीतिक रूपमा र नैतिक रुपमा जुन ठाउँमा पनि सत्यका लागि लड्न तयार छु ।’