झापामा डेढ महिनामा १०८ जनामा डेंगु संक्रमण, एक जनाको मृत्यु

सन्तोष शर्मा
बनियानी, १४ भदौ । झापामा एक सय आठ जनामा डेंगु रोगको संक्रमण देखिएको छ ।

गत साउन १ गतदेखि भदौ १३ गतेसम्म एक सय आठ जनामा डेंगु संक्रमण देखिएको स्वास्थ्य कार्यालय झापाका डेंगु रोग फोकल पर्सन युवनाथ बरालले जानकारी दिनुभयो । सोही अवधिमा डेंगु संक्रमणबाट एक जना महिलाको मृत्यु समेत भएको उहाँले बताउनुभयो ।

झापाका १५ वटा पालिकामध्ये सबैभन्दा धेरै बिर्तामोड नगरपालिकामा ७४ जनामा डेंगु संक्रमण देखिएको छ भने अर्जुनधारा नगरपालिका, कचनकवल गाउँपालिका, शिवसताक्षी नगरपालिका, गौरादह नगरपालिका र गौरीगञ्ज गाउँपालिकामा संक्रमितको संख्या शून्य रहेको कार्यालयको तथ्यांक छ ।

त्यस्तै, मेचीनगर दुई जना, बुद्धशान्तिमा तीन जना, हल्दिबारीमा चार जना, भद्रपुरमा तीन जना, कनकाईमा एक जना, कमलमा एक जना, दमकमा १६ जना, झापा गाउँपालिका र बाह्रदशी गाउँपालिकामा दुई÷दुई जनामा डेंगु संक्रमण देखिएको फोकल पर्सन बरालले जानकारी दिनुभयो ।

The post झापामा डेढ महिनामा १०८ जनामा डेंगु संक्रमण, एक जनाको मृत्यु appeared first on Jhapa Online.