शिवाकोटी दम्पत्तीले दिए ५० हजारको न्यानो कपडा

शिवसताक्षी, १५ भदौ । झापाको कनकाई निवासी एक दम्पत्तीले आफ्नो जन्मदिनको अवसरमा शिवसताक्षीका नवजात शिशुका लागि न्यानो कपडा प्रदान गरेका छन् ।

आज शिवसताक्षीको वडा नं. ४ स्थित रङ्याथान बजारमा आयोजित तीज कार्यक्रममा ५० हजार बराबरको न्यानो कपडाका वडाध्यक्ष विष्णुप्रसाद प्रसाईलाई हस्तान्तरण गरे । कनकाई गार्मेन्ट सुरुगाका सञ्चालक भरत शिवाकोटी र उनकी श्रीमती मेनुका शिवाकोटी घिमिरेको जन्मदिन एकै दिन परेको थियो ।

शिवसताक्षी नगरपालिका–४ का नवजात शिशुका ७० सेट न्यानो कपडा वितरण गरेका हुन् । जसमा भोटो, दौरा, काने टोपी, म्याट गरेर एक प्याकेटमा २ सेट (८ ओटा कपडा) रहेका छन् । नेपालको स्वास्थ्य क्षेत्रमा हेर्दा प्रतिहजार जन्म भएका नवजात शिशुहरु मध्ये वार्षिक रुपमा ४० जना शिशुहरुको मृत्यु हुने गरेको छ ।

यहाँका विपन्न शिशुका लागि न्यानो कपडाको सेट वितरण गरिएको सञ्चालक शिवाकोटीले बताए । प्राप्त न्यानो कपडा लक्षित वर्गको पहिचान गरी वितरण गरिने वडाध्यक्ष विष्णुप्रसाद प्रसाईले बताए ।

The post शिवाकोटी दम्पत्तीले दिए ५० हजारको न्यानो कपडा appeared first on Jhapa Online.