गोरु काटेको आरोपमा महिला पक्राउ, चार जना फरार

झापा, २६ भदौ । मोरङको सुन्दरहरैँचा नगरपालिका–९ मुस्लिम टोलमा घरभित्रै गोरु काट्ने घरधनीलाई प्रहरीले पक्राउ गरेको छ ।

मुस्लिम टोलकी ३१ वर्षीया ताजकेरा खातुनको घरभित्र गोरु काट्दै गर्दा प्रहरी पुगेर पक्राउ गरेको हो । प्रहरी पुग्दा घरभित्र धमाधम गोरु काट्ने काम भइरहेको भेटिएपछि गोरुको मासुसहित घरधनी खातुनलाई पक्राउ गरेर अनुसन्धानको दायरामा ल्याइएको मोरङ प्रहरीका प्रवक्ता डीएसपी ज्ञानेन्द्रबहादुर बस्नेतले बताए ।

गोरु काटेको घटनामा संलग्न चार जना फरार बनेका छन् । इलाका प्रहरी कार्यालय बेलबारीका प्रहरी निरीक्षक तेजबहादुर दाहाल नेतृत्वको टोलीले उनीहरुको खोजी गरिरहेको छ । उनका अनुसार पक्राउ परेकी खातुनकै घरमा पालेको गोरु काटेको यकिन भएको छ ।

मुलुकी अपराध संहिता, २०७४ को दफा २८९ ले गाई–गोरु मारेमा सजाय हुने व्यवस्था गरेको छ । संहिताको दफा २८९ को उपदफा १ मा कसैले गाई वा गोरु मार्ने वा कुनै चोट पु¥याउने नियतले कुनै काम गर्नु वा गराउनुहुँदैन भन्ने उल्लेख छ । त्यस्तो कार्य गर्नेलाई तीन वर्षसम्म कैद हुने व्यवस्था छ ।

The post गोरु काटेको आरोपमा महिला पक्राउ, चार जना फरार appeared first on Jhapa Online.