रास्वपाको राष्ट्रिय भेलामा १५ सय प्रतिनिधि सहभागी हुने, महाधिवेशन वैशाखमा
काठमाडौं । राष्ट्रिय स्वतन्त्र पार्टी (रास्वपा) को राष्ट्रिय भेलामा १५ सय जना प्रतिनिधि सहभागी हुने भएका छन् । बिहीबार आयोजित पत्रकार सम्मेलनमार्फत कार्यवाहक महामन्त्री कविन्द्र बुर्लाकोटीले यो जानकारी दिएका हुन् । “भेलामा १५ सय जना प्रतिनिधिहरू सहभागी हुनुहुन्छ,” उनले भने । उनका अनुसार रास्वपाले २ हजारभन्दा बढी वडामा सङ्गठन विस्तार गरिसकेको छ । कार्यवाहक महामन्त्री […]
काठमाडौं । राष्ट्रिय स्वतन्त्र पार्टी (रास्वपा) को राष्ट्रिय भेलामा १५ सय जना प्रतिनिधि सहभागी हुने भएका छन् ।
बिहीबार आयोजित पत्रकार सम्मेलनमार्फत कार्यवाहक महामन्त्री कविन्द्र बुर्लाकोटीले यो जानकारी दिएका हुन् ।
“भेलामा १५ सय जना प्रतिनिधिहरू सहभागी हुनुहुन्छ,” उनले भने । उनका अनुसार रास्वपाले २ हजारभन्दा बढी वडामा सङ्गठन विस्तार गरिसकेको छ ।
कार्यवाहक महामन्त्री बुर्लाकोटीले महाधिवेशनको तयारी व्यापक रूपमा गरिरहेको बताए । भेलामा राजनीतिक तथा साङ्गठानिक प्रतिवेदनका साथै सातै प्रदेशका सभापतिहरूले पनि प्रतिवेदन पेस गर्नेछन् ।
यस्तै महाधिवेशन भने २०८२ को वैशाखमा गर्नेबारे पार्टीमा छलफल भइरहेको उनले बताए ।
रास्वपाको राष्ट्रिय भेला असोज १ र २ गते काठमाडौंको कमलादीस्थित प्रज्ञा भवनमा हुँदैछ ।
What's Your Reaction?
