मिसेस युनिभर्समा सन्तोषी कार्कीलाई ‘मिसेस युनिभर्स करिज्मा’को उपाधि
लन्डन ।बेलायतमा बस्दै आएकी सन्तोषी कार्कीले ४७औं मिसेस युनिभर्स २०२४ मा नेपालको प्रतिनिधित्व गर्दै ‘मिसेस युनिभर्स करिज्मा’को उपाधि जितेकी छन् । लन्डन फेशन हाउसले आयोजना गरेको आन्तरिक प्रतिस्पर्धाबाट मिसेस नेपाल युनिभर्सको ताज चुमेकी सन्तोषी ४७औं मिसेस युनिभर्समा भाग लिन गत शुक्रबार दक्षिण कोरियाको सियोल गएकी थिइन् । विगत ४७ वर्षदेखि आयोजना हुँदै आएको मिसेस युनिभर्समा […]
लन्डन ।बेलायतमा बस्दै आएकी सन्तोषी कार्कीले ४७औं मिसेस युनिभर्स २०२४ मा नेपालको प्रतिनिधित्व गर्दै ‘मिसेस युनिभर्स करिज्मा’को उपाधि जितेकी छन् ।
लन्डन फेशन हाउसले आयोजना गरेको आन्तरिक प्रतिस्पर्धाबाट मिसेस नेपाल युनिभर्सको ताज चुमेकी सन्तोषी ४७औं मिसेस युनिभर्समा भाग लिन गत शुक्रबार दक्षिण कोरियाको सियोल गएकी थिइन् ।
विगत ४७ वर्षदेखि आयोजना हुँदै आएको मिसेस युनिभर्समा १८ देखि ५५ वर्ष उमेरका महिलाहरुले सहभागिता जनाउंदै आएका छन् ।
यो वर्षको मिसेस युनिभर्समा विश्वका १४० देशका महिलाहरुले प्रतिष्पर्धा गरेका थिए । जसमा नेपालको प्रतिनिधित्व गरेकी बेलायतकी सन्तोषी कार्कीले ग्रान्ड फिनालेमा ‘मिसेस युनिभर्स करिज्मा’ को उपाधि जित्न सफल भएकी हुन् ।
कार्यक्रममा सहभागी जनाएर बेलायत फर्किएकी छन् । ‘यसपटक मैले एउटा महत्वपूर्ण सबटाइटल जित्न सफल भएँ, धेरै कुराहरु सिक्ने अवसर मिल्यो । यो उपाधि मेरो सफलताको अर्को खुट्किलो हो र यसले आफूलाई थप उर्जा मिल्नुका साथै अझ बढी चुनौती थपिएको छ‘ उनले भनिन् ।
अन्तराष्ट्रिय युवा उद्यमी महासंघ बेलायतकी महासचिव रहेकी सन्तोषी विभिन्न संस्थाको नेतृत्वमा समेत रहँदै आएकी छिन् । ८ वर्षीय छोराकी आमा सन्तोषी लन्डनको एक विश्वविधालयमा प्राध्यापन गरिरहेकी छन् । यसका साथै उनले लन्डनमा रेष्टुरेन्ट व्यवसाय समेत सञ्चालन गर्दै आएकी छिन् ।
‘४७ औं मिसेस युनिभर्सको ग्रान्ड फिनालेमा संतोषीले एउटा महत्वपूर्ण सबटाईटल प्राप्त गरेकी छन् । नेपालीहरुले हरेक वर्ष कुनै न कुनै उपाधि हात पार्दै आएका छन्, यसबाट आफूलाई अत्यन्त खुसि मिलेको छ’ मिसेस नेपाल युनिभर्सकी आयोजक तथा लन्डन फेशन हाउसकी निर्देशक मनिषा डंगोलले बताइन् ।
विश्वभरका १४० देशका मिसेसहरुसंग प्रतिष्पर्धा गरेर उपाधी हात पार्नु नेपाल र नेपालीकै गौरवको विषय हो उनले भनिन् ।डंगोल स्वयंले सन् २०१८ मा मिसेस युनिभर्समा भाग लिएकी थिइन् ।
यसैगरी २०१९ मा विनु लामिछाने, सन् २०२२ मा सन्नी शाही र सन् २०२४ मा विमला बुढाथोकीले मिसेस युनिभर्समा प्रतिष्पर्धा गर्नुका साथै सबटाइटल हात पारेका थिए ।
What's Your Reaction?