झापामा बलात्कार मुद्दाका अभियुक्त अस्पतालबाट फरार
भद्रपुर, ३१ भदौ । अस्पतालमा उपचाररत रहेका झापाका एक कैदीबन्दी फरार भएका छन् । भद्रपुर नगरपालिका–५ निवासी २४ वर्षीय जीवन साह अस्पतालबाटै फरार भएका हुन् । साहलाई झापा जिल्ला अदालतले १६ वर्षीया बालिकालाई जबरजस्ती करणी मुद्दाको आरोपमा पुर्पक्षका लागि भदौ ५ गते झापा कारागारमा चलान गरेको थियो । साह ओमसाई पाथीभरा अस्पताल भद्रपुरबाट आइतबार बिहान [...] The post झापामा बलात्कार मुद्दाका अभियुक्त अस्पतालबाट फरार appeared first on Jhapa Online.
भद्रपुर, ३१ भदौ । अस्पतालमा उपचाररत रहेका झापाका एक कैदीबन्दी फरार भएका छन् । भद्रपुर नगरपालिका–५ निवासी २४ वर्षीय जीवन साह अस्पतालबाटै फरार भएका हुन् ।
साहलाई झापा जिल्ला अदालतले १६ वर्षीया बालिकालाई जबरजस्ती करणी मुद्दाको आरोपमा पुर्पक्षका लागि भदौ ५ गते झापा कारागारमा चलान गरेको थियो । साह ओमसाई पाथीभरा अस्पताल भद्रपुरबाट आइतबार बिहान ३ बजेर ३७ मिनेटमा फरार भएको अस्पतालको सिसी टिभी क्यामराको फुटेजमा देखिन्छ । साहलाई उनीकी श्रीमतीले स्कुटर चढाएर भगाएको क्यामराको फुटेजमा प्रष्ट देख्न सकिन्छ ।
निमोनिया भएपछि साहलाई भदौ २५ गते बिहान मेची प्रादेशिक अस्पताल भद्रपुर लगिएको थियो । त्यहाँबाट थप उपचारको लागि ओमसाई पाथीभरा अस्पतालमा रेफर गरिएको थियो । फरार भएका साह भद्रपुर–३ स्थित झोलुङ्गे पुल हुँदै मेचीपारि नाकाबाट भारततर्फ भागेको बताइएको छ । स्कुटरमा श्रीमान श्रीमतीसँगै भाग्दै गर्दा त्यहाँ खटिएका सशस्त्र प्रहरीले समेत देखेका थिए ।
जिल्ला प्रहरी कार्यालय झापाका एसपी मिलन केसीका अनुसार अस्पतालमा उपचाररत रहेका बेला कैदी भागेका हुन् । उनको खोजीका लागि प्रहरी टोली परिचालन गरिसकेको उनले बताए ।
The post झापामा बलात्कार मुद्दाका अभियुक्त अस्पतालबाट फरार appeared first on Jhapa Online.
What's Your Reaction?