श्रीलंकाको संसद् भंग, संसदीय निर्वाचन घोषणा
काठमाडौं । श्रीलंकाका नवनिर्वाचित राष्ट्रपति अनुरा कुमारा दिसानायकेले संसद् विघटन गरेका छन् । अब संसदीय निर्वाचन हुनेछ । नोभेम्बर १४ मा संसदीय निर्वाचन हुने सरकारी राजपत्रमा उल्लेख छ । २२५ सिटमध्ये संसद्मा दिसानायकेको पार्टी नेशनल पिपुल्स पावर गठबन्धनले तीन सिट मात्रै पाएको छ । यसअघि दिसानायकेले हरिणी अमरसूर्यालाई देशको नयाँ प्रधानमन्त्री चयन गरेका थिए । श्रीलंकाको इतिहासमा […]
काठमाडौं । श्रीलंकाका नवनिर्वाचित राष्ट्रपति अनुरा कुमारा दिसानायकेले संसद् विघटन गरेका छन् । अब संसदीय निर्वाचन हुनेछ । नोभेम्बर १४ मा संसदीय निर्वाचन हुने सरकारी राजपत्रमा उल्लेख छ ।
२२५ सिटमध्ये संसद्मा दिसानायकेको पार्टी नेशनल पिपुल्स पावर गठबन्धनले तीन सिट मात्रै पाएको छ ।
यसअघि दिसानायकेले हरिणी अमरसूर्यालाई देशको नयाँ प्रधानमन्त्री चयन गरेका थिए । श्रीलंकाको इतिहासमा महिला प्रधानमन्त्री बनेको यो तेस्रो पटक हो ।
राष्ट्रपति निर्वाचनमा विजयी भएपछि दिसानायकेले संसदीय निर्वाचनका लागि छिट्टै संसद् विघटन गर्ने बताएका थिए ।
उनले आफ्नो नीतिलाई कार्यान्वयन गर्न सकेसम्म चाँडो निर्वाचन हुने बताए । उनले यसअघि जनताको इच्छाविपरीत बनेको संसद्लाई निरन्तरता दिनुको कुनै अर्थ नभएको बताए ।
यसअघि सन् २०२० को अगस्टमा श्रीलंकामा आम निर्वाचन भएको थियो ।
What's Your Reaction?
