हल्दिबारीमा बाढीले तीन पुल बगायो

हल्दिबारी, १२ असोज । अविरल वर्षाका कारण हल्दिबारी गाउँपालिकाको तीन वटा काठे पुल बगाएको छ । हल्दिबारी– १ गोलधापबाट बाह्रदशी– ३ राजमार्ग जाने बाटो जल्पाबस्ती पश्चिमको काठे पुलको बिच भाग बगाई पूर्णरुपमा क्षतिग्रस्त पारेको छ भने हल्दिबारी– १ बाट दक्षिण हुलाकी राजमार्ग जोड्ने रोड कटान गरेर बाटो अवरुद्ध भएको छ ।

त्यस्तै फाल्गुननन्द चोक पूर्व हल्दिबारी–१ र ५ को कन्चनश्री जोड्ने काठे पुलको बिच भाग बगाएको छ ।त्यस्तै हल्दिबारी– १ र ५ जाने बाटोको काठको पुल बिच भागको सबै बगाएको छ ।

हल्दिबारी– १ आशा मोडदेखि पूर्व राम चोक जाने बाटो ठाउँ ठाउँमा बगाएको छ भने हल्दिबारी १ शङ्कर चोकदेखि उत्तर मन्त्री चोक जोड्ने बासमणि रोडको चार ठाउँमा सामान्य क्षति भएको प्रहरीले जनाएको छ ।

The post हल्दिबारीमा बाढीले तीन पुल बगायो appeared first on Jhapa Online.