नेपाल एसबिआई मर्चेण्ट बैंकिङद्वारा एक दिने लगानीकर्ता शिक्षा तथा सचेतना कार्यक्रम सम्पन्न

काठमाडौँ । नेपाल एसबिआई मर्चेण्ट बैंकिङ लिमिटेडले एक दिने लगानीकर्ता शिक्षा तथा सचेतना कार्यक्रम सम्पन्न गरेको छ । विश्व लगानीकर्ता सप्ताह २०२४ को अवसरमा नेपाल एसबिआई मर्चेण्ट बैंकिङ लिमिटेडले उक्त कार्यक्रम हेटौँडा, मकवानपुरमा सम्पन्न गरेको हो ।

कार्यक्रममा कम्पनीका इन्भेष्टमेन्ट बैंकिङ तथा मार्केटिङ प्रमुख सुशान्त खतिवडाले सहभागी राष्ट्रसेवक प्रहरीहरूलाई सेयर बजार र लगानी शिक्षा तथा लगानी गर्दा अपनाउनु पर्ने सचेतनाका बारेमा जानकारी दिएका थिए ।

नेपाल एसबिआई मर्चेण्ट बैंकिङ नेपाल एसबिआई बैंक लिमिटेडको पूर्ण स्वामित्व भएको सहायक कम्पनी हो ।

यसले नेपाल धितोपत्र बोर्डबाट इजाजत प्राप्त गरी लगानी व्यवस्थापन सेवा, धितोपत्र निष्कासन तथा बिक्री प्रबन्धक सेवा, धितोपत्र खरिद प्रत्याभूति सेवा, हितग्राही खाता सञ्चालन सम्बन्धी सेवा, संस्थागत परामर्श सम्बन्धी सेवा तथा शेयर रजिष्ट्रार सम्बन्धी सेवा प्रदान गर्दै आइरहेको छ ।