कनकाई बिहानी क्लबद्वारा जेष्ठ नागरिकलाई सम्मान

कनकाई, १८ भदौ । झापाको कनकाई बिहानी क्लबले जेष्ठ नागरिकलाई सम्मान गरेको छ । क्लवले तीन जना जेष्ठ नागरिकलाई सम्मान गरेको हो । सम्मान हुनेहरुमा कनकाई–१ का ९२ वर्षिय गुरुप्रसाद शिवाकोटी, ९० वर्षिय खड्गप्रसाद बारकोटी र क्लबका सल्लाकार समिति सदस्य समेत रहेका ८८ वर्षीय बलबहादुर भुजेल छन् ।

कुशे औंशीको अवसर पारेर सोमबार क्लबले उनीहरुलाई सम्मान गरेको छ । क्लबका अध्यक्ष लोकनाथ उप्रेती, सस्थापक अध्यक्ष मनोज बस्नेत, सल्लाहकार संयोजक अनिरुद्र ओली, सदस्य चुडामणि ढकाललगायत सम्पूर्ण क्लबका पदाधिकारी तथा सदस्यहरुको सहभागीता उनीहरुलाई सम्मान गरिएको थियो ।

उनीहरुलाई दोसल्ला, खदा, खाद्यन्न र फलफूलसहित प्रदान गर्दै सम्मान गरिएको थियो । सम्मानित जेष्ठ नागरिकहरु तथा परिवारजनको तर्फबाट हर्षित हुँदै क्लबको थप प्रगति र उन्नतीको शुभकामनासहित धन्यबाद प्रदान गरेका थिए ।

क्लब अध्यक्ष लोकनाथ उप्रेतीको अध्यक्षतामा सम्पन्न कार्यक्रममा क्लबका सस्थापक अध्यक्ष मनोज बस्नेतको प्रमुख आतिथ्य रहेको थियो । औपचारिक कार्यक्रमको सन्चालन क्लबका सचिव निर्मला बस्नेतले गरेकी थिइन् ।

The post कनकाई बिहानी क्लबद्वारा जेष्ठ नागरिकलाई सम्मान appeared first on Jhapa Online.