झापामा वीपी जयन्ती गाउँस्तरमा मनाउने निर्णय

बिर्तामोड, १८ भदौ । नेपाली कांग्रेस झापाले नेपाली कांग्रेसका संस्थापक नेता विश्वेश्वरप्रसाद कोइरालाको १११ औं जन्मजयन्ती समारोह गाउँ नगरस्तरमा मनाउने निर्णय गरेको छ ।

नेपाली कांग्रेस झापाका कार्यबाहक सभापति केशवराज पाण्डेको अध्यक्षतामा आज जिल्ला पार्टी कार्यालयमा आयोजित बैठकले झापाका १५ वटै गाउँ÷नगर समितिको आयोजनामा रचनात्मक कार्यक्रमका साथ १११ औं विपी जयन्ती मनाउने निर्णय गरेको हो ।

वीपीले प्रतिपादन गर्नुभएको प्रजातान्त्रिक समाजवादी दर्शनमाथि चर्चा–परिचर्चा, रक्तदान, वृक्षरोपण, प्रजातान्त्रिक अगुवाहरुको सम्मान, वक्तृत्वकला, हाजिरीजवाफ, विचार गोष्ठी, सरसफाई लगायतका विविध रचनात्मक गतिविधि गर्न गराउन पनि बैठकले आग्रह गरेको छ ।

The post झापामा वीपी जयन्ती गाउँस्तरमा मनाउने निर्णय appeared first on Jhapa Online.