क्यासब्याक र गिफ्टहरूको साथमा फोन पेको ‘सुपर यात्रा’

काठमाडौं । फोन पेले रोचक क्यासब्याक र गिफ्टहरूको साथमा ‘सुपर यात्रा’ अभियानको घोषणा गरेको छ । नजिकिँदो चाडबाडलाई लक्षित गरेर फोन पेले हवाई टिकटको खरिदमा आकर्षक क्यासब्याक दिने घोषणा गरेको हो ।

“सुपर यात्रा” अभियानको अंशको रूपमा, नयाँ प्रयोगकर्ताहरूले पहिलो हवाई टिकट बुकिङमा ३०० रुपैयाँ क्यासब्याक प्राप्त गर्नेछन् । जबकि विद्यमान प्रयोगकर्ताहरूले टिकट खरिदमा २०० रुपैयाँ क्यासब्याकको लाभ लिन सक्नेछन् ।

यी क्यासब्याक प्रस्तावहरूको अतिरिक्त, फोन पेले रोचक गिफ्टहरूको पनि घोषणा गरेको छ । एक भाग्यमानी विजेताले एक वर्षका लागि निःशुल्क हवाई टिकट प्राप्त गर्नेछन् । हरेक हप्ता, पाँच भाग्यमानी सहभागीहरूले स्मार्टवाच जित्ने अवसर पाउने बताइएको छ ।