बिहानी कपको उपाधि दिङलालाई

भोजपुर, ५ भदौ । भोजपुरको स्थानीय टुँडिखेलमा जारी अन्डर–१६ अन्तर विद्यालय स्तरीय बिहानी कप फुटबल प्रतियोगिता अन्तर्गत आज भएको फाइनल खेलमा बोखिमलाई हराउँदै दिङला विजेता बन्न सफल भएको छ ।

दोस्रो संस्करणको रुपमा असोज दुई गतेबाट सुरु विद्यालय स्तरीय फुटबल प्रतियोगिताको फाइनल खेलको निर्धारित समयमा चार गोल गर्दे दिङलाको षडानन्द मावि बिहानी कप फुटबलको विजेता बनेको हो ।

बिहानी फुटबल क्लब भोजपुरको आयोजना तथा जिल्ला फुटबल सङ्घको संयोजनमा सञ्चालित प्रतियोगिताको विजेता दिङलाले नगद ४४ हजार चार सय ४४ सहित ट्रफी, मेडल र प्रमाण पत्र पाएको छ भने उपबिजेता बनेको बोखिमले नगद २२ हजार दुई सय २२ सहित ट्रफी, मेडल र प्रमाण पत्र पाएको छ ।

The post बिहानी कपको उपाधि दिङलालाई appeared first on Jhapa Online.