ब्राउनसुगर : झापामा चारसहित ६ जना पक्राउ

झापा, २१ भदौ । झापा, इलाम र भोजपुरबाट लागुऔषध ब्राउनसुगरसहित छ जनालाई प्रहरीले पक्राउ गरेको छ ।

हिजो लागुऔषध नियन्त्रण ब्युरो काँकरभिट्टाबाट खटिएको प्रहरी टोलीले चेक जाँचको क्रममा झापाको मेचीनगर नगरपालिका–६ स्थितबाट भारत वेष्टबंगालका २२ बर्षीय मनोज शर्मालाई १ ग्राम, मोरङ बेलबारी नगरपालिका–४ का २८ बर्षीय बिरेन लोवालाई १० ग्राम, दमक नगरपालिका–९ का २४ बर्षीय तिलक मग्रातीलाई १ ग्राम र सप्तरी सुरुङ्गा नगरपालिका–१ का २२ बर्षीय एलन बिष्टलाई ६ ग्राम ब्राउन सुगर सहित पक्राउ गरेको छ ।

यसैगरी, भोजपुरको प्रहरी चौकी प्याउलीबाट खटिएको प्रहरी टोलीले चेकजाँचको क्रममा भोजपुर नगरपालिका–९ का ३१ वर्षीय जसिन राईलाई ३ ग्राम ७६ मिलिग्राम ब्राउनसुगरसहित र इलामको प्रहरी चौकी दानाबारीले माई नगरपालिका–१ का ३५ वर्षीय तीर्थ गिरीलाई १ ग्राम ८२० मिलिग्राम ब्राउनसुगरसहित पक्राउ गरेको छ । ब्राउन सुगर सहित पक्राउ परेका उनीहरुको सम्बन्धित प्रहरी कार्यालयबाट थप अनुसन्धान भइरहेको छ ।

The post ब्राउनसुगर : झापामा चारसहित ६ जना पक्राउ appeared first on Jhapa Online.