अल जजिराको कार्यालयमा इजरायली सेनाको छापा
काठमाडौं । इजरायली सेनाले कब्जा गरेको वेस्ट बैंकको रामल्लाहमा रहेको न्यूज च्यानल अल जजिराको कार्यालयमा छापा मारेको छ । सेनाले अल जजिराको कार्यालय ४५ दिनका लागि बन्द गर्न आदेश दिएको छ। आइतबार बिहान सशस्त्र र मुखौटा लगाएका इजरायली सैनिकहरू प्रत्यक्ष प्रसारणको क्रममा भवनमा प्रवेश गरेका थिए । इजरायली सैनिकहरूले बन्द गर्न आदेश दिएको अल जजीराको […]
काठमाडौं । इजरायली सेनाले कब्जा गरेको वेस्ट बैंकको रामल्लाहमा रहेको न्यूज च्यानल अल जजिराको कार्यालयमा छापा मारेको छ । सेनाले अल जजिराको कार्यालय ४५ दिनका लागि बन्द गर्न आदेश दिएको छ।
आइतबार बिहान सशस्त्र र मुखौटा लगाएका इजरायली सैनिकहरू प्रत्यक्ष प्रसारणको क्रममा भवनमा प्रवेश गरेका थिए ।
इजरायली सैनिकहरूले बन्द गर्न आदेश दिएको अल जजीराको वेस्ट बैंक ब्यूरो प्रमुख वालिद अल-ओमारीले जानकारी दिए ।
उनले आदेशपछि लाइभमै भने, “यस्ता पत्रकारहरूलाई लक्षित गर्ने उद्देश्य सधैँ सत्यलाई मेटाउने र मानिसहरूलाई सत्य सुन्नबाट रोक्नु हो ।”
अप्रिलमा इजरायलको संसद्ले सरकारलाई युद्धको समयमा राष्ट्रिय सुरक्षाको लागि खतरा मानिने विदेशी समाचार प्रसारकहरूलाई अस्थायी रूपमा बन्द गर्ने अधिकार दिने कानून पारित गरेको थियो ।
मेको सुरुमा पनि नाजेरेथ र पूर्वी जेरुसेलममा रहेको अल जजिराको कार्यालयमा छापा मारिएको थियो । इजरायलले आइतवारको कारवाहीबारे अहिलेसम्म कुनै प्रतिक्रिया दिएको छैन ।
What's Your Reaction?