जलमग्न काठमाडौं, अस्तव्यस्त जनजीवन (तस्वीरहरू)
उपत्यकाका सडकहरूमा पनि पानी जमेको छ । यसपछि यात्रा गर्न कठिन छ । सवारी साधनहरू पार्किङ गरिएकै ठाउँमा डुबिरहेका छन् भने कति घरभित्र बाढी पसेको छ ।
काठमाडौं । दुई दिनयता भइरहेको लगातारको वर्षाका कारण जनजीवन प्रभावित बनेको छ ।
देशका विभिन्न स्थानहरूमा बाढी तथा पहिरोका कारण धेरैले ज्यान गुमाइसकेका छन् त कति बेपत्ता छन् । बेपत्ताहरूको खोजी कार्य भइरहेको छ तर, भेटिएका छैनन् । यसर्थ, उनीहरू बाँचेका छन् भन्ने आशा झिनो बन्दै गइरहेको छ ।
तराई तथा समथर भूभागमा डुबानको उत्तिकै समस्या र जोखिम छ भने खासगरी पहाड क्षेत्रतिर पहिरोको भय छ ।
यता काठमाडौं उपत्यका पनि जलमग्न छ । उपत्यका भएकै कारण पानी जम्दा यहाँको जनजीवन अस्तव्यस्त बनेको छ ।
खासगरी नदी किनारा वरपर रहेका वस्तीहरू उच्च खोजिममा छन्, नदीहरूले सतर्कता तह पार गरेपछि स्थानीय तथा सङ्घीय सरकारले उच्च जोखिमको सूचना जारी गरेका छन् ।
उपत्यकाका सडकहरूमा पनि पानी जमेको छ । यसपछि यात्रा गर्न कठिन छ । सवारी साधनहरू पार्किङ गरिएकै ठाउँमा डुबिरहेका छन् भने कति घरभित्र बाढी पसेको छ ।
मानिसहरू घरभित्रै बसिरहेका छन् । त्यसो त सरकारले अति-आवश्यकीय कामबाहेक बाहिर ननिस्किनु भनेको छ ।
What's Your Reaction?