इजरायली आक्रमणमा हिजबुल्लाह प्रमुख नसरल्लाहको मृत्यु भएको पुष्टि
काठमाडौं । लेबनानको अतिवादी संगठन हिजबुल्लाहका प्रमुख हसन नसरल्लाहको मृत्यु भएको पुष्टि भएको छ । हिजबुल्लाहले आफ्ना सर्वोच्च नेता नसरल्लाहको इजरायली आक्रमणमा मृत्यु भएको पुष्टि गरेको हो । यसअघि इजरायलले नसरल्लाह बेरुतमा भएको हवाई आक्रमणमा मारिएको जनाएको थियो । तर, हिजबुल्लाहले कुनै प्रतिक्रिया दिएको थिएन । हिजबुल्लाहले भनेको छ- लेबनानको राजधानी बेरुत स्थित उसको हेडक्वाटरमा […]
काठमाडौं । लेबनानको अतिवादी संगठन हिजबुल्लाहका प्रमुख हसन नसरल्लाहको मृत्यु भएको पुष्टि भएको छ ।
हिजबुल्लाहले आफ्ना सर्वोच्च नेता नसरल्लाहको इजरायली आक्रमणमा मृत्यु भएको पुष्टि गरेको हो ।
यसअघि इजरायलले नसरल्लाह बेरुतमा भएको हवाई आक्रमणमा मारिएको जनाएको थियो । तर, हिजबुल्लाहले कुनै प्रतिक्रिया दिएको थिएन ।
हिजबुल्लाहले भनेको छ- लेबनानको राजधानी बेरुत स्थित उसको हेडक्वाटरमा भएको इजरायली हमलामा नसरल्लाहको मृत्यु भएको छ ।
इजरायली सेनाले लामो समयदेखि उनलाई मार्न योजना बनाइरहेको थियो । ६४ वर्षिय नसरल्लाह आफ्ना सैनिकको हत्याका लागि जिम्मेवार रहेको इजरायली सेनाले बताएको छ ।
हिजबुल्लाहले नेता नसरल्लाहको मृत्यु भएको बताएलगत्तै इजरायली डिफेन्स फोर्सले टेलिभिजनमा एक सन्देश जारी गरेको छ ।
फोर्सका प्रवक्ता डैनियल हगारीले भने सन्देशमा आफ्नो लडाइँ इजरायली नागरिकसँग नभएर हिजबुल्लाहसँग भएको बताएका छन् ।
शुक्रबार बेरुतमा इजरायली वायु सेनाले गरेको सटीक आक्रमणमा उनी मारिएको उनले बताए ।
यता हिजबुल्लाहको मृत्युमा प्यालेस्टीनी अतिवादी समूह हमासले शोक व्यक्त गर्दै आफ्नो लडाइँ जारी रहने बताएको छ ।
हिजबुल्लाहले पनि आफ्ना नेताको मृत्युले इजरायलविरुद्धको लडाइँ नरोकिने बताएको छ ।
What's Your Reaction?
