वनमा उद्यम : झापामा टपरी उद्योग स्थापना
झापा, २१ भदौ । झापाको मेचीनगर नगरपालिका–९ स्थित मागुरमाडी सामुदायिक वन उपभोक्ता समूह विट नं. २ हाताभित्र दुना–टपरी उद्योग स्थापना गरिएको छ । सालको पातबाट दुना–टपरी बनाउने मेसिनका खरीदका लागि डिभिजन वन कार्यालय झापाले अनुदानका उपलब्ध गराएपछि उद्योग स्थापना भएको हो । कार्यालय प्रमुख मेघराज राईले सामुदायिक वनलाई उद्यमसँग जोड्का लागि अनुदान उपलब्ध गराइएको बताउनुभयो [...] The post वनमा उद्यम : झापामा टपरी उद्योग स्थापना appeared first on Jhapa Online.
झापा, २१ भदौ । झापाको मेचीनगर नगरपालिका–९ स्थित मागुरमाडी सामुदायिक वन उपभोक्ता समूह विट नं. २ हाताभित्र दुना–टपरी उद्योग स्थापना गरिएको छ ।
सालको पातबाट दुना–टपरी बनाउने मेसिनका खरीदका लागि डिभिजन वन कार्यालय झापाले अनुदानका उपलब्ध गराएपछि उद्योग स्थापना भएको हो । कार्यालय प्रमुख मेघराज राईले सामुदायिक वनलाई उद्यमसँग जोड्का लागि अनुदान उपलब्ध गराइएको बताउनुभयो ।
“स्थानीय कच्चा पदार्थको प्रयोगसँगै वातावरण संरक्षणमा यसले सहयोग मिल्छ”, उहाँले भन्नुभयो, “वनमा काठ दाउरा मात्र होइन, अन्य उद्यम पनि गर्न आवश्यक छ ।” प्लास्टिक मुक्त स्थानीय तह बनाउन सके दुना–पटरीको बजारीकरण सहजै हुने उहाँको भनाइ छ ।
सालको पातबाट दुना–टपरी बनाउने उक्त मेसिनको मूल्य रू पाँच लाख ८० हजार पाँच सय ३२ मूल्य रहेको छ । सामुदायिक वनमा उद्यम विकास कार्यक्रम अन्तरगत कार्यालयले रू चार लाख ८५ हजार अनुदान उपलब्ध गराएको छ भने सामुदायिक वनको ९५ हजार पाँच सय ३२ लागत सहभागिता रहेको कार्यालयकी सूचना अधिकारी अञ्जना पुरीले जानकारी दिनुभयो ।
गत आर्थिक वर्षको कार्यक्रमबाट अनुदान उपलब्ध गराइएको भए पनि उद्योग आजदेखि सञ्चालनमा आएको हो । उद्योगको अन्य पूर्वाधार मागुरमाडी सामुदायिक वन उपभोक्ता समूह विट नं. २ ले निर्माण गरेको छ ।
मागुरमाडी सामुदायिक वन उपभोक्ता समूह विट नम्बर २ का अध्यक्ष बीर्खबहादुर तामाङले दुना–टपरी बनाउन महिला समूह गठन गरिने बताउनुभयो । वनमा खेर जाने पात संकलन गरेर दुना–टपरी बनाउने योजना उहाँले बताउनुभयो ।
The post वनमा उद्यम : झापामा टपरी उद्योग स्थापना appeared first on Jhapa Online.
What's Your Reaction?