रवि लामिछाने पक्राउ पर्न लागेको सूचना पछि रास्वपाले बोलायो आकस्मिक बैठक, पार्टी कार्यालयमा कार्यकर्ता खचाखच !

काठमाडौँ । सहकारी ठगी प्रकरणमा प्रहरीले रवि लामिछानेलाई पक्राउको तयारी गरेपछि पार्टीले आफ्ना कार्यकर्तालाई केन्द्रीय कार्यालयमा आउन सर्कुलर जारी गरेको छ । रास्वपा बागमती प्रदेशका सभापति डा. अच्युत्तम लामिछानेले उपत्यकाका पार्टी सदस्यहरुलाई केन्द्रीय कार्यालयमा जम्मा हुन आग्रह गरेका हुन् ।

रास्वपाका नेताहरुका अनुसार लामिछानेसहित केन्द्रीय नेताहरु पार्टी कार्यालय बनस्थलीमा छन् । गोर्खा मिडिया नेटवर्क प्रालिका तत्कालीन सञ्चालक पूर्वडीआइजी छविलाल जोशीलाई प्रहरीले आइतबार प्रक्राउ गरेपछि रवि लामिछानेलाई पनि पक्राउको तयारी भएको हो ।

लामिछानेलाई पक्राउ गर्न लागिएको भन्दै रास्वपाका कार्यकर्ताहरु आक्रोशित बनेका छन् ।